ප්රසිද්ධ බීඩි සමාගමකට අයත් වෙළඳ ලාංඡනයක් වංචනික ලෙස උපයෝගී කරගනිමින් ව්යාජ බීඩි නිෂ්පාදනය කර වෙළඳපොළට මුදාහැරීමේ ජාවාරමක නිරත වූ සැකකරුවන් සිව්දෙනෙකු අත්අඩංගුවට ගැනීමට මීගමුව කොට්ඨාස අපරාධ විමර්ශන කාර්යාංශය සමත් වී තිබේ. ඊයේ (මාර්තු 16) සිදුකළ විශේෂ වැටලීමකදී මෙම පිරිස කොටු කරගත් බව පොලිසිය පවසයි.
අත්අඩංගුවට ගත් සැකකරුවන් වයස අවුරුදු 31 ත් 62 ත් අතර වයස්වල පසුවන පමුණුගම, නාරන්ගොඩ සහ කිඹුලාපිටිය යන ප්රදේශවල පදිංචිකරුවන් බව හඳුනාගෙන ඇත. වැටලීම සිදුකරන අවස්ථාවේදී අදාළ ප්රසිද්ධ සමාගමේ වෙළඳ ලාංඡනය යටතේ ඇසුරුම් කර බෙදාහැරීමට සූදානම් කර තිබූ ව්යාජ බීඩි තොගයක් ද පොලිස් භාරයට ගෙන තිබේ.
මෙම වංචනික නිෂ්පාදන මඟින් අදාළ නීත්යානුකූල සමාගමට සිදුවන මූල්ය අගතිය මෙන්ම ප්රමිතියෙන් තොර නිෂ්පාදන වෙළඳපොළට නිකුත් වීම පිළිබඳව මීගමුව කොට්ඨාස අපරාධ විමර්ශන කාර්යාංශය වැඩිදුර විමර්ශන පවත්වයි. පවතින ආර්ථික අපහසුතා මධ්යයේ මෙවැනි වංචනික වෙළඳ කටයුතු ඉහළ ගොස් ඇති බැවින් පාරිභෝගිකයින් මෙන්ම ව්යාපාරිකයින් ද මේ පිළිබඳව දැඩි අවධානයෙන් සිටිය යුතු බව ආරක්ෂක අංශ පෙන්වා දෙයි.
