වර්තමාන යුදමය වාතාවරණය ආරම්භ වූ දා සිට මේ දක්වා ඉරාන හමුදාව විසින් එක්සත් අරාබි එමීර් රාජ්යය (UAE) වෙත මිසයිල සහ ඩ්රෝන යානා 1,900කට අධික සංඛ්යාවක් එල්ල කර තිබේ. ඉරානයේ ප්රධාන ඉලක්කය වී ඇත්තේ එමීර් රාජ්යයේ ප්රවාහන සහ තෙල් යටිතල පහසුකම් විනාශ කිරීමයි.
පසුගිය සඳුදා ලොව කාර්යබහුලම ගුවන් ගමන් මධ්යස්ථානයක් වන ඩුබායි ජාත්යන්තර ගුවන්තොටුපළ ආසන්නයේ ඩ්රෝන ප්රහාරයක් හේතුවෙන් ගින්නක් හටගත් අතර, ඒ හේතුවෙන් ගුවන් ගමන් තාවකාලිකව අත්හිටුවීමට ද සිදු විය. මීට අමතරව කලාපයේ විශාලතම තෙල් ගබඩා සංකීර්ණයක් පිහිටි ෆුජයිරා (Fujairah) වරායට ද ඩ්රෝන ප්රහාරයක් එල්ල වී ඇත. අබුඩාබි අගනුවර ආසන්නයේ සිදු වූ රොකට් ප්රහාරයකින් පලස්තීන ජාතිකයෙකු ජීවිතක්ෂයට පත්ව ඇති බව ද වාර්තා වේ.
මෙම තත්ත්වය පිළිබඳව අදහස් දක්වන දේශපාලන විශ්ලේෂකයින් පවසන්නේ, එක්සත් අරාබි එමීර් රාජ්යය අනවශ්ය ලෙස මෙම යුද්ධයට ඇද දමා ඇති බවට එරට බලධාරීන් දැඩි කෝපයකින් පසුවන බවයි. යුද්ධය අවසන් කිරීම සඳහා ඇමෙරිකාවට බලපෑම් කිරීමට එමීර් රාජ්යය පෙළඹවීම ඉරානයේ අරමුණ වුවද, දිගුකාලීනව ගොඩනැගූ ආරක්ෂිත සහ සමෘද්ධිමත් රටක් ලෙස එමීර් රාජ්යයට මෙලෙස එල්ල වන ප්රහාර එරට අනාගතයට දැඩි බලපෑමක් වනු ඇතැයි ජනතාව තුළ බියක් හටගෙන තිබේ.
