හෝමුස් සමුද්ර සන්ධිය (Strait of Hormuz) ආසන්නයේ පිහිටි ඉරාන වෙරළ තීරයේ ඉතා ශක්තිමත් ලෙස ඉදිකර ඇති භූගත මිසයිල මධ්යස්ථාන ඉලක්ක කර ගනිමින් ඇමරිකානු මධ්යම අණදෙන ඒකකය (CENTCOM) අද (මාර්තු 18) අලුයම දරුණු ගුවන් ප්රහාර මාලාවක් දියත් කළේය. මෙහිදී ඇමරිකානු හමුදා විසින් රාත්තල් 5,000ක් (කිලෝග්රෑම් 2,267ක්) බරැති, පොළොව අභ්යන්තරයට විහිදී යන ‘Deep Penetrator’ වර්ගයේ බෝම්බ (GBU-72/B වැනි) කිහිපයක් සාර්ථකව භාවිතා කර ඇති බව CENTCOM නිවේදනය කළේය.
ජාත්යන්තර නැව් ගමනාගමනයට තර්ජනයක් වෙමින් පවතින ඉරාන නෞකා නාශක කෲස් මිසයිල (Anti-ship cruise missiles) විනාශ කිරීම මෙම ප්රහාරයේ ප්රධාන අරමුණ වී තිබේ. හෝමුස් සමුද්ර සන්ධියේ පාලනය නතු කර ගැනීමට ඇමරිකාව දරන උත්සාහයේ වැදගත් පියවරක් ලෙස මෙය සැලකේ. මෙම ප්රහාරයත් සමඟ කලාපයේ තෙල් ප්රවාහන මාර්ගවල ආරක්ෂාව පිළිබඳව දැඩි අවධානයක් යොමු වී ඇති අතර, ඉරානය පවසන්නේ ඇමරිකාව විසින් “මනුෂ්යත්වයට එරෙහි අපරාධයක්” සිදුකරන බවයි.
මේ අතර, CNN පුවත් සේවයේ ගෝලීය කටයුතු පිළිබඳ විශ්ලේෂක බ්රෙට් මැක්ගර්ක් (Brett McGurk) පවසන්නේ මෙම ගැටුම “ඉක්මනින් අවසන් වනු ඇතැයි අපේක්ෂා කළ නොහැකි” (Not going to end any time soon) බවයි. ඉරානයේ ඉහළම නායකත්වය සහ හමුදා ව්යුහය බිඳ වැටී තිබුණද, ඉතිරිව ඇති සන්නද්ධ කණ්ඩායම් සහ සැඟවුණු මිසයිල පද්ධති මගින් තවදුරටත් ප්රතිප්රහාර එල්ල වීමේ අවදානමක් පවතින බව ඔහු පෙන්වා දෙයි. විශේෂයෙන්ම හෝමුස් සමුද්ර සන්ධිය යළි විවෘත කිරීම සඳහා ඇමරිකාවට සහ ඊශ්රායලයට තවදුරටත් විශාල මිලිටරිමය පරිශ්රමයක් දැරීමට සිදුවනු ඇති බව ඔහුගේ මතයයි.
තොරතුරු උපුටා ගැනීම:
U.S. Central Command (CENTCOM), CNN, Reuters, The Hindu සහ Hindustan Times වාර්තා ඇසුරින්.
