1976 වසරේ සිට ක්රියාත්මක වන මෙම යානය එහි ඇති සුවිශේෂී පහරදීමේ හැකියාව සහ ගොඩබිම් හමුදාවන්ට ලබා දෙන ගුවන් සහය (Close Air Support) නිසා යුද පිටියේදී අතිශය ජනප්රිය වී ඇත. විශේෂයෙන්ම වත්මන් ඉරාන ගැටුමේදී හෝමුස් සමුද්ර සන්ධියේ (Strait of Hormuz) ස්ථාපිත ඉරාන නාවික ඉලක්ක වෙත ප්රහාර එල්ල කිරීම සඳහා මෙම යානා සක්රීයව දායක වන බව ඇමෙරිකානු මධ්යම අණසක (U.S. Central Command) තහවුරු කර තිබේ.
මෙම යානා නඩත්තු කිරීම අධික පිරිවැයක් දැරීමට සිදුවන බවත්, ඒවා පැරණි තාක්ෂණයෙන් යුක්ත බවත් පවසමින් ගුවන් හමුදා නිලධාරීන් මීට පෙර මේවා විශ්රාම ගැන්වීමට උත්සාහ කළද, ඇරිසෝනා සෙනෙට් සභික මාර්ක් කෙලී (Mark Kelly) වැනි දේශපාලනඥයන් ඊට දැඩි විරෝධය පළ කළහ. ඔවුන් පෙන්වා දෙන්නේ මෙම යානා සඳහා ගැලපෙන නවීන ආදේශකයක් හඳුන්වා දෙන තෙක් ඒවා සේවයේ තබා ගත යුතු බවයි. එසේම මෙම යානා වැඩි වශයෙන් ස්ථාපිත කර ඇති ඇරිසෝනා ප්රාන්තයේ ආර්ථිකයට ද මෙම තීරණය සෘජුවම බලපාන බව විශ්ලේෂකයෝ පවසති.
