අපොස උසස් පෙළ විභාගයට පෙනී සිටින සිසුන්ට පවතින අයහපත් කාලගුණික තත්ත්වය හමුවේ යම් බාධාවක් ඇති වුවහොත්, වහාම ආපදා කළමනාකරණ මධ්යස්ථානයේ හදිසි ඇමතුම් අංක 117 වෙත හෝ විභාග දෙපාර්තමේන්තු හදිසි ඇමතුම් අංක 1911 වෙත දැනුම් දෙන ලෙස ඉල්ලා සිටී.
පවතින කාලගුණ තත්ත්වය හේතුවෙන් විභාගයට ඇතිවිය හැකි බාධා වළක්වා ගැනීම සඳහා ආපදා කළමනාකරණ මධ්යස්ථානය සහ විභාග දෙපාර්තමේන්තුව ඒකාබද්ධව මෙම විශේෂ වැඩපිළිවෙළ ක්රියාත්මක කරයි. ඒ අනුව, සිසුන්ට හෝ විභාග රාජකාරිවල නිරත නිලධාරීන්ට යම් ආපදා තත්ත්වයක් හේතුවෙන් බාධාවක් මතු වුවහොත්, ඉහත අංකවලට අමතරව ආපදා කළමනාකරණ මධ්යස්ථානයේ විශේෂ ඒකාබද්ධ හදිසි මෙහෙයුම් මැදිරි අංක (0113 668119, 0113 668026, 0113 668032, 0113 668087 සහ 076 3 117 117) වෙත ද ඇමතුම් ලබා දී අවශ්ය සම්බන්ධීකරණය කරගත හැකි බව දැනුම් දී ඇත.
