ශ්‍රී ලංකාවේ නෙදර්ලන්ත තානාපති බොනී හෝබැක් (Bonnie Horbach) මහත්මිය සහ ජාතික ජන බලවේගයේ නායක, පාර්ලිමේන්තු මන්ත්‍රී අනුර කුමාර දිසානායක මහතා අතර හමුවක් අද (09) පෙරවරුවේ ජනතා විමුක්ති පෙරමුණ ප්‍රධාන කාර්යාලයේදී පැවැත්විණි.
මෙම අවස්ථාව සඳහා නෙදර්ලන්ත තානාපති කාර්යාලයේ ජ්‍යෙෂ්ඨ ප්‍රතිපත්ති උපදේශක නාමල් පෙරේරා මහතා සහ ජාතික ජන බලවේගයේ ජාතික විධායක සභික වෛද්‍ය නලින්ද ජයතිස්ස මහතා ද එක්ව සිටියහ.
ශ්‍රී ලංකාව මුහුණ දෙමින් සිටින ආර්ථික අර්බුදය සහ සමාජ දේශපාලන තත්වය පිළිබඳව මෙහිදී දෙපාර්ශ්වයේ සාකච්ඡාවට ලක් විය.
ඕලන්ද යටත්විජිත යුගයේ ලංකාවෙන් රැගෙන යන ලද කෞතුක භාණ්ඩ ප්‍රමාණයක් නැවත මෙරටට ලබා දීමට නෙදර්ලන්ත රජය විසින් ගෙන ඇති තීරණය පිළිබඳව ස්තූතිය පළ කිරීමටද ජාතික ජන බලවේගය මෙය අවස්ථාවක් කර ගත්තේය.
