පිළිකා රෝග ලක්ෂණ මතු වීමට වසර කිහිපයකට පෙර සිටම ‘මෙලනෝමා’ (Melanoma) නමැති දරුණු ගණයේ චර්ම පිළිකා වැළඳීමේ අවදානම ඇති පුද්ගලයන් හඳුනා ගැනීමට කෘත්රිම බුද්ධිය (AI) සමත් බව ස්වීඩනයේ ගොතන්බර්ග් විශ්වවිද්යාලයේ පර්යේෂකයන් විසින් සිදු කළ නවතම අධ්යයනයකින් අනාවරණය වී තිබේ. දැනට පවතින සෞඛ්ය වාර්තා සහ දත්ත විශ්ලේෂණය කිරීම මගින් ඉදිරි වසර පහ ඇතුළත මෙම පිළිකාව වැළඳීමේ ඉහළ අවදානමක් ඇති පුද්ගල කණ්ඩායම් නිවැරදිව හඳුනා ගැනීමට මෙම AI තාක්ෂණයට හැකියාව පවතී.
මෙම පර්යේෂණයේ නිරත මාටින් ගිල්ස්ටෙඩ් (Martin Gillstedt) පෙන්වා දෙන්නේ රෝහල් පද්ධති සතුව දැනටමත් පවතින රෝගී දත්ත වඩාත් උපායමාර්ගිකව භාවිත කිරීමෙන් මෙවැනි මාරාන්තික රෝග කලින් හඳුනාගෙන ප්රතිකාර කිරීමට අවස්ථාව සැලසෙන බවයි. මෙම ක්රමවේදය තවමත් සාමාන්ය වෛද්ය ප්රතිකාර සඳහා යොදා නොගත්ත ද, අනාගතයේදී රෝගීන්ගේ ජීවිත ආරක්ෂා කර ගැනීමට AI තාක්ෂණය තීරණාත්මක බලපෑමක් කරනු ඇති බව මෙම අධ්යයනය මගින් පෙන්වා දෙයි.
