රටේ ගොවි ජනතාව ඉතිහාසයේ කිසිදු දිනක නොවූ විරූ ලෙස අන්ත අසරණ තත්ත්වයකට පත්ව ඇති බවත්, මූල්ය ආයතන විසින් ගොවීන්ගේ නිවෙස්වල පරණ පුටු හා ඇඳන් පවා වෙන්දේසි කරන මට්ටමකට අද දින ගොවි පවුල් පත්ව ඇති බවත් පාර්ලිමේන්තු මන්ත්රී අජිත් මාන්නප්පෙරුම මහතා ප්රකාශ කරයි.
රජයේ වැරදි ප්රතිපත්ති හමුවේ ගොවියා මෙලෙස අන්ත අසරණ වන අතරතුර, ඇතැම් ‘ගජමිතුරු’ මෝල් හිමියන් පිරිසක් පමණක් ජනාධිපතිවරයා සමඟ සාකච්ඡා කර හාල් මිල ඉහළ නංවාගනිමින් කෝටි ගණනින් වටිනා වාහන මිලදී ගනිමින් සහ හෙලිකොප්ටර්වලට ඇණවුම් දෙමින් සුඛෝපභෝගී ලෙස කටයුතු කරන බව හෙතෙම පෙන්වා දෙයි. ප්රධාන වී මෝල් මධ්යස්ථානයක් වන මරදගහමුල ඇතුළු ප්රදේශවල ගොවියන් මෙන්ම සාමාන්ය මෝල් හිමියන්ද අද දැඩි අර්බුදයකට මුහුණ දී සිටින බව පෙන්වා දෙන මන්ත්රීවරයා, වත්මන් ආණ්ඩුව ක්රියාත්මක කරමින් සිටින්නේ ගජමිතුරන්ට පමණක් සලකන සංස්කෘතියක් බව අවධාරණය කරයි.
