සිල්වර් ලේක් (Silver Lake) සහ ඉන්ටෙල් (Intel) සමාගම්වල පිටුබලය ලබන අර්ධ සන්නායක (Semiconductor) නිෂ්පාදන ආයතනයක් වන ‘අල්ටෙරා’ (Altera) සමාගම මඟින් ප්රබල මූලික මහජන නිකුතුවක් (IPO) සඳහා සූදානම් වෙමින් පවතියි. මෑත කාලීන විශාලතම අර්ධ සන්නායක ලැයිස්තුගත කිරීමක් වනු ඇතැයි අපේක්ෂිත මෙම නිකුතුව හරහා ඩොලර් බිලියන දෙකකට අධික මුදලක් රැස් කර ගැනීමට අපේක්ෂිතය.
ඇමරිකාවේ සැන් ජෝස් නුවර (San Jose) කේන්ද්ර කරගත් මෙම සමාගම ඉදිරි සති කිහිපය තුළ රහසිගතව නිකුතු ලේඛනගත කිරීමට සූදානම් වන අතර, මෙම වසර තුළම කොටස් වෙළඳපොළට පිවිසීමට ඉඩ ඇතැයි ආරංචි මාර්ග පවසයි. බාක්ලේස් (Barclays), සිටි (Citi), ජේපී මෝගන් (JPMorgan) සහ මෝගන් ස්ටැන්ලි (Morgan Stanley) යන ප්රමුඛ පෙළේ ආයතන මෙම මූලික මහජන නිකුතුව සඳහා අනුග්රාහකයන් ලෙස සම්බන්ධ කර ගැනීමට සිල්වර් ලේක් ආයතනය පියවර ගෙන තිබේ.
