අම්බලන්ගොඩ, ඌරවත්ත ශ්රී ගංගාරාම පුරාණ විහාරස්ථානයේ වාර්ෂික මහා පෙරහැර මංගල්යය වීථි සංචාරය කිරීම නිමිත්තෙන් හෙට (20) දිනයේදී අදාළ ප්රදේශයේ විශේෂ රථවාහන සැලැස්මක් ක්රියාත්මක කිරීමට ශ්රී ලංකා පොලීසිය පියවර ගෙන ඇත.
පෙරහැර ගමන් ගන්නා මාර්ග සහ ඒ ආශ්රිත ප්රදේශවල රථවාහන ගමනාගමනය පාලනය කිරීම සඳහා පොලිස් නිලධාරීන් යොදවා ඇති අතර, රියදුරන් සහ මගීන් අපහසුතාවයට පත් නොවනු වස් විකල්ප මාර්ග භාවිත කරන ලෙස පොලීසිය ඉල්ලා සිටී.
සංස්කෘතික හා ආගමික උත්සවයකදී ඇති විය හැකි තදබදය අවම කර ගැනීම සඳහා පොලිසිය ලබා දෙන උපදෙස් අනුව කටයුතු කරන ලෙසත්, ගමනාගමනයට බාධාවක් නොවන පරිදි වාහන නවත්වන ලෙසත් රියදුරන්ගෙන් කාරුණිකව ඉල්ලා සිටී.
