අම්බලන්තොට, මාල්පෙත්තාව ප්රදේශයේදී ඇති වූ පවුල් ආරවුලක් හේතුවෙන් මාමණ්ඩිය විසින් එල්ල කළ පොලු පහරකින් 26 හැවිරිදි බෑණා කෙනෙකු ජීවිතක්ෂයට පත්ව තිබේ.
මියගිය පුද්ගලයා අම්බලන්තොට, මාමඩල ප්රදේශයේ පදිංචිකරුවෙකි. සිද්ධියට මුල පුරා ඇත්තේ බිරිඳ තම පියාගේ නිවසට පැමිණ සිටියදී, ඊයේ (07) රාත්රී 11.00ට පමණ අධික ලෙස බීමත්ව පැමිණි සැමියා ඇයව කැඳවාගෙන යෑමට උත්සාහ කිරීමයි. බිරිඳ ඊට විරෝධය දැක්වීමත් සමඟ කෝපයට පත් ඔහු, තමන් පැමිණි ටිපර් රථයෙන් එම නිවසේ ප්රධාන ගේට්ටුවේ හප්පා හානි සිදු කර තිබේ.
පසුව නිවස තුළට කඩා වැදුණු ඔහු බිරිඳට පහරදීම ආරම්භ කර ඇති අතර, එය වළක්වා ගැනීමට උත්සාහ කළ බිරිඳගේ පියා (මාමණ්ඩිය) විසින් පොල්ලකින් බෑණාට පහර දී ඇත. හිසට එල්ල වූ ප්රබල පහර හේතුවෙන් බෑණා බිම ඇද වැටී ඇති අතර, අම්බලන්තොට රෝහලට ඇතුළත් කිරීමෙන් පසු ඔහු මියගොස් තිබේ. සිද්ධිය සම්බන්ධයෙන් මාමණ්ඩියව අම්බලන්තොට පොලිසිය විසින් අත්අඩංගුවට ගෙන ඇත.
