අම්පාර දිස්ත්රික්කයේ හිටපු ප්රබල අමාත්යවරයෙකුගේ පුත්රයෙකු වන හිටපු නගරාධිපතිවරයෙකු විසින් රාජ්ය නිලධාරිනියක දිගින් දිගටම ලිංගික අතවරයට සහ බ්ලැක්මේල් කිරීමේ සිද්ධියකට ලක් කිරීම සම්බන්ධයෙන් අම්පාර කොට්ඨාස ළමා හා කාන්තා අපයෝජන නිවාරණ අංශය පුළුල් විමර්ශනයක් ආරම්භ කර තිබේ.
වින්දිත රාජ්ය නිලධාරිනිය විසින් සිදු කරන ලද පැමිණිල්ලට අනුව, මෙම කම්පන සහගත සිදුවීම් මාලාව අනාවරණය වී ඇත. වින්දිත කාන්තාව 2021 වසරේදී සැකකරු නගරාධිපතිවරයා ලෙස කටයුතු කළ මහ නගර සභාවේ සේවය කර ඇති අතර, විවාහ කර ගන්නා බවට පොරොන්දු වී නගරාධිපති කාර්යාලය තුළදී සැකකරු ඇයව පළමුවරට අපයෝජනය කර ඇත.
සැකකරු ඇයගේ නිරුවත් ඡායාරූප ලබාගෙන ඇති අතර, තමන් සමඟ නිරන්තර ලිංගික සබඳතා පවත්වන ලෙස බලපෑම් කරමින් එම ඡායාරූප අන්තර්ජාලයට මුදාහරින බවට තර්ජනය කර ඇත. මෙම තර්ජන හමුවේ බියට පත් වූ ඇය, 2026 වසර දක්වාම සිය කැමැත්තකින් තොරව සැකකරුගේ ලිංගික අපයෝජනයන්ට ලක්ව ඇත. විවාහ පොරොන්දුව කඩ කිරීම සහ තර්ජන පිළිබඳව ඇය සැකකරුගේ පියා වන හිටපු අමාත්යවරයා හමුවී පැමිණිලි කළ ද, ඔහු එම බරපතල චෝදනා කිසිවක් ගණනකට නොගෙන නොසලකා හැර ඇති බව පොලිසිය අනාවරණය කරයි.
සැකකාර හිටපු නගරාධිපතිවරයා අත්අඩංගුවට ගැනීම සඳහා මේ වන විට පොලිස් කණ්ඩායම් කිහිපයක් මෙහෙයුම් ආරම්භ කර ඇත.
