බන්ධනාගාර තුළ අදිසි හස්තයක් ක්රියාත්මක වන බව බන්ධනාගාර ප්රතිසංස්කරණ හා සිරකරුවන් පුනරුත්ථාපනය පිළිබඳ රාජ්ය අමාත්ය විශේෂඥ වෛද්ය සුදර්ශනී ප්රනාන්දුපුල්ලේ මහත්මිය පවසයි.
ඇමැතිවරිය අද (30) පාර්ලිමේන්තුවේ දී ප්රකාශක් කරමින් කියා සිටියේ මෙම හස්තය වර්තමාන රජය අපකීර්තියට පත්වන ආකාරයේ යම් යම් ක්රියාකාරකම් සිදු කරන බවයි.
වර්තමාන රජයේ ප්රතිපත්තිය විසින් මත්ද්රව්ය වැටලීම් වලට විශේෂ ප්රමුඛතාවය ලබා දී කටයුතු කිරීම හේතුවෙන් මත්ද්රව්ය ජාවාරම් කරුවන්, මත්ද්රව්ය භාවිතා කරන්නන් විශාල පිරිසක් අද වන විට බන්ධනාගාර ගත වී ඇති බවත්, බන්ධනාගර තුළ 11,000 ක් පමණ රඳවා ගැනීමේ හැකියාව මේ වන විට 32,000 ක් පමණ වැඩි වී තිබෙන බවත් රාජ්ය අමාත්ය සුදර්ශනී ප්රනාන්දුපුල්ලේ මහත්මිය ප්රකාශ කළාය.
කොරෝනා පාලනයට වැඩපිළිවෙලක් ක්රියාත්මක කර ඇති අතර එම හේතුව නිසා මේ වන විට බන්ධනාගාර තුළ විශාල තදබදයක් ඇති ව තිබෙන බව ඇය පැවසිය.
වහාම බන්ධනාගාර තුළ රෝග ව්යාප්තිය පාලනයට විශේෂ වැඩපිළිවෙලක් සෞඛ්ය අමාත්යංශය හා එක්ව යෙදවූ බව ද, පිටස්තර පුද්ගලයින් ඒ තුළට යාම වැලක්වීමට මෙන්ම බාහිරින් අහාර භාණ්ඩ රැගෙන ඒම වැලක්වීමට කටයුතු කළ බව ද ඒ මහත්මිය මෙහි දී සඳහන් කළාය.
