කාන්තාවන්ගේ රූප වැරදි ලෙස සහ අයුතු ලෙස යොදා ගනිමින් අන්තර්ජාලය ඔස්සේ සිදුකරන අපරාධ හඳුනා ගැනීමට සහ ඒවා මැඩලීමට ජාත්යන්තර සහය ලබාගැනීමට කටයුතු කරන බව ආනන්ද විජේපාල මහතා පවසයි. වත්මන් සමාජය තුළ තාක්ෂණය අවභාවිත කරමින් කාන්තාවන් ඉලක්ක කර ගනිමින් සිදුකෙරෙන විවිධ හිංසනයන් සහ මඩ ගැසීමේ ව්යාපාර ඉහළ යමින් පවතින බව පෙන්වා දෙන ඒ මහතා, මෙම තත්ත්වය පාලනය කිරීම සඳහා දේශීය විමර්ශන පද්ධති ජාත්යන්තර ප්රමිතීන්ට අනුව යාවත්කාලීන කිරීමේ අවශ්යතාව අවධාරණය කළේය.
විශේෂයෙන්ම සමාජ මාධ්ය ජාල ඔස්සේ කාන්තා රූප විකෘති කරමින් හෝ අසත්ය ප්රචාර සඳහා යොදා ගනිමින් සිදුකරන අපරාධකරුවන් නීතියේ රැහැනට හසුකර ගැනීම සඳහා නවීන තාක්ෂණික මෙවලම් සහ විදේශීය විමර්ශන ආයතනවල අත්දැකීම් හුවමාරු කර ගැනීමට මෙහිදී බලාපොරොත්තු වේ. මෙම පියවර හරහා සයිබර් අවකාශය තුළ කාන්තාවන්ට සිදුවන අසාධාරණයන් වැළැක්වීමටත් ඔවුන්ගේ පෞද්ගලිකත්වය සහ ගෞරවය ආරක්ෂා කිරීමටත් රජය කැපවී සිටින බව ඔහු වැඩිදුරටත් සඳහන් කළේය.
