මහා භාණ්ඩාගාරය විසින් හැකර් ගිණුමකට අමෙරිකානු ඩොලර් මිලියන 2.5ක මුදලක් නිදහස් කිරීම සම්බන්ධයෙන් වගකිවයුතු රජයේ නිලධාරීන්ට දැඩි දඬුවම් ලබා දෙන බව වරාය, සිවිල් ගුවන් සේවා සහ බලශක්ති අමාත්ය අනුර කරුණාතිලක මහතා අවධාරණය කරයි. අදාළ මුදල ගෙවීමේදී නිසි ප්රමිතියෙන් බැහැරව කටයුතු කළ රාජ්ය නිලධාරීන් කවුරුන්ද යන්න සෙවීමට මේ වන විටත් විශේෂ පරීක්ෂණයක් ක්රියාත්මක බව අමාත්යවරයා මාධ්ය වෙත අදහස් දක්වමින් ප්රකාශ කළේය.
මෙම මූල්ය ගනුදෙනුව පිටුපස සිටින වෙනත් පුද්ගලයින් සහ සම්බන්ධතා පිළිබඳව ද බලධාරීන්ගේ අවධානය යොමුව ඇති බව ඔහු වැඩිදුරටත් අනාවරණය කළේය. රජයේ මුදල් නිදහස් කිරීමේදී අනුගමනය කළ යුතු ක්රියාවලිය බරපතළ ලෙස වගකීම් පැහැර හැරීමකට ලක්ව ඇති බව පෙනී යන බැවින් මෙම සිදුවීමට සම්බන්ධ වී ඇති සියලු පාර්ශ්වයන්ගේ කාර්යභාරය පිළිබඳව ඉදිරියේදී දැඩි ලෙස සොයා බලා නීතිය ක්රියාත්මක කරන බව අමාත්යවරයා මෙහිදී වැඩිදුරටත් අවධාරණය කර සිටියේය.
