අනුරාධපුර සිට කොළඹ බලා ධාවනය වූ බස් රථයක ගමන් කළ කාන්තාවන් තිදෙනෙකුට මත්ද්රව්ය මිශ්ර ආහාර සහ බීම ලබා දී, ඔවුන් සතු රුපියල් ලක්ෂ 17කට අධික වටිනාකමින් යුත් මුදල් හා රන් භාණ්ඩ සොරාගත් පුද්ගලයෙකු අනුරාධපුර පොලිසිය විසින් අත්අඩංගුවට ගෙන තිබේ.
පසුගිය අප්රේල් 02 වැනිදා මෙම කාන්තාවන් තිදෙනා බස් රථයේ ගමන් කරමින් සිටියදී නාඳුනන පුද්ගලයෙකු ඔවුන් සමඟ හිතවත් වී කෙටි ආහාර සහ බීම වර්ගයක් ලබා දී ඇත. ඒවා අනුභව කිරීමෙන් පසු සිහිසුන් වූ කාන්තාවන් සතුව තිබූ රුපියල් 1,706,400ක් පමණ වටිනා දේපළ සැකකරු විසින් සොරාගෙන තිබේ. සිද්ධිය සම්බන්ධයෙන් විමර්ශන පැවැත්වූ පොලිසිය සාලියවැව ප්රදේශයේ පදිංචි 54 හැවිරිදි පුද්ගලයෙකු අත්අඩංගුවට ගැනීමට සමත් විය.
පොදු ප්රවාහන සේවාවල ගමන් කිරීමේදී නාඳුනන පුද්ගලයන් සමඟ අනවශ්ය හිතවත්කම් ඇති කර නොගන්නා ලෙසත්, ඔවුන් ලබාදෙන කිසිදු ආහාරයක් හෝ බීම වර්ගයක් ලබා නොගන්නා ලෙසත් පොලිස් මාධ්ය කොට්ඨාසය මහජනතාවගෙන් දැඩි ලෙස ඉල්ලා සිටියි.
