ශ්රී ලංකා ප්රමිති සහතිකය (SLS) නොමැති විදුලි ප්ලග් කෝඩ් රීල් (Electrical cord reels) අලෙවිය සඳහා ප්රదర్శනය කර තිබූ අනුරාධපුර ප්රදේශයේ සුපිරි වෙළඳසැලකට අනුරාධපුර මහේස්ත්රාත් අධිකරණය විසින් රුපියල් 200,000 ක දඩයක් නියම කර තිබේ.
පාරිභෝගික කටයුතු පිළිබඳ අධිකාරියේ (CAA) නිලධාරීන් විසින් අගෝස්තු 18 වනදා අනුරාධපුර 11 වන වීදියේ පිහිටි සුපිරි වෙළඳසැලක සිදුකළ වැටලීමකදී SLS සහතිකය නොමැති මෙම විදුලි උපකරණ සොයාගෙන නීතිමය පියවර ගෙන ඇත. අගෝස්තු 21 වනදා නඩුව කැඳවූ අවස්ථාවේදී අධිකරණය මෙම දඩය නියම කළ අතර, ප්රමිතියෙන් තොර විදුලි උපකරණ භාවිතය විදුලි සැර වැදීම්, විදුලි කාන්දුවීම් සහ ගිනිගැනීම් සඳහා හේතු විය හැකි බැවින් පාරිභෝගික ආරක්ෂාව උදෙසා SLS ප්රමිතිය අනිවාර්ය බව පාරිභෝගික කටයුතු අධිකාරිය පෙන්වා දෙයි.
