2025 වර්ෂයේ පවත්වන ලද 5 ශ්රේණිය ශිෂ්යත්ව පරීක්ෂණයේ ප්රතිඵල මත 2026 වර්ෂය සඳහා 6 ශ්රේණියට සිසුන් ඇතුළත් කිරීමේ දෙවැනි වටයේ අභියාචනා ඉදිරිපත් කිරීම අද (08) සිට ආරම්භ වන බව අධ්යාපන අමාත්යාංශය නිවේදනය කරයි. මෙම ක්රියාවලිය සම්පූර්ණයෙන්ම මාර්ගගත (Online) ක්රමවේදය ඔස්සේ සිදු කෙරේ.
අභියාචනා ඉදිරිපත් කිරීමට බලාපොරොත්තු වන දෙමාපියන්ට අද සිට මැයි මස 29 වැනිදා දක්වා අයදුම්පත් යොමු කිරීමේ අවස්ථාව පවතී. එක් ශිෂ්යයෙකු වෙනුවෙන් උපරිම වශයෙන් පාසල් 3ක් සඳහා අභියාචනා ඉදිරිපත් කිරීමට අවස්ථාව සලසා දී ඇත.
මෙම ක්රමවේදය හරහා වඩාත් විනිවිදභාවයකින් සහ කාර්යක්ෂමව අභියාචනා සැකසීමට අපේක්ෂා කරන බව අමාත්යාංශය වැඩිදුරටත් සඳහන් කරයි. නියමිත දිනට පෙර නිවැරදි තොරතුරු ඇතුළත් කරමින් සිය අභියාචනා යොමු කරන ලෙස දෙමාපියන්ගෙන් ඉල්ලා සිටියි.
