ඇපල් සමාගම සිය පළමු නැමිය හැකි (Foldable) ස්මාර්ට් ජංගම දුරකථනය වන ‘iPhone Duo’ නිල වශයෙන් එළිදක්වා තිබේ. ඇපල් සමාගමේ නව ප්රධාන විධායක නිලධාරී John Teus මහතා සිය ධුරයේ වැඩ භාරගෙන දෙවැනි සතියේදී මෙම නව හැරවුම් ලක්ෂ්යය සනිටුහන් කිරීම විශේෂත්වයකි. පොතක් මෙන් දෙපසට නැමිය හැකි ආකාරයෙන් නිර්මාණය කර ඇති මෙය, දිගහැරූ විට කුඩා iPad එකක ආකාරයක් ගන්නා අතර, නැමූ විට සාමාන්ය iPhone එකකට වඩා පළලින් යුත් දුරකථනයක් ලෙස භාවිත කළ හැකිය.
මෙය ඇපල් සමාගමේ මෙතෙක් හඳුන්වා දී ඇති විශාලතම සහ මිල අධිකම iPhone මාදිලිය වන අතර, අමෙරිකානු වෙළෙඳපොළේ එහි ආරම්භක මිල ඩොලර් 1,999ක් සහ ඉහළම මාදිලියේ මිල ඩොලර් 3,200ක් ලෙස දැක්වේ. Samsung සහ Huawei වැනි තරඟකරුවන් දැනටමත් වෙළෙඳපොළේ සිටියද, මෙතරම් ඉහළ මිලක් හේතුවෙන් විශාල පාරිභෝගික ඉල්ලුමක් ඇති කර ගැනීම අභියෝගයක් විය හැකි බව තාක්ෂණික විශ්ලේෂකයින් පෙන්වා දෙති. මීට අමතරව, ඇපල් සමාගම විසින් iPhone 18 Pro සහ iPhone 18 Pro Max මාදිලි සමඟ පරිශීලක පෞද්ගලිකත්වය රකින උසස් Siri AI විශේෂාංග ද මෙහිදී හඳුන්වා දී තිබේ.
