45 වන ජාතික යෞවන සම්මාන උළෙලට සමගාමීව, ශ්රී ලංකාවේ තරුණ තරුණියන්ගේ කලාත්මක, සාහිත්යමය සහ නිර්මාණාත්මක කුසලතා හඳුනාගෙන ඇගයීමට ලක් කිරීමේ අරමුණින් ජාතික තරගාවලි 08ක් යටතේ තරග අංශ 87ක් සඳහා අයදුම්පත් කැඳවීම ආරම්භ කර තිබේ. ජාතික තරුණ සේවා සභාව මගින් සංවිධානය කරනු ලබන මෙම වැඩසටහන වයස අවුරුදු 15 සිට 29 දක්වා වූ ඕනෑම තරුණ තරුණියකට විවෘත වේ.
මෙම තරගාවලියට “Melody” සංගීත තරගාවලිය, “Steps” නර්තන තරගාවලිය, “Young Voices” කථික හා නිවේදන තරගාවලිය, “NovaMind” කෘතිම බුද්ධි (AI) නිර්මාණ තරගාවලිය, “Inkspire” සාහිත්ය තරගාවලිය, “Shutter Stories” ඡායාරූප තරගාවලිය, “Dream Canvas” චිත්ර තරගාවලිය සහ ආබාධ සහිත තරුණ තරුණියන් සඳහා වන “Beyond Limits” විශේෂ තරගාවලිය ඇතුළත් වේ.
මෙම තරගාවලිය සිංහල, දමිළ සහ ඉංග්රීසි යන භාෂා තුනෙන්ම පැවැත්වේ. මෙවර සම්මාන උළෙලේ විශේෂත්වය වන්නේ ප්රාදේශීය සහ දිස්ත්රික් මට්ටමින් තරග පැවැත්වීම සහ ප්රථම වරට දිස්ත්රික් සම්මාන උළෙල 25ක් ක්රියාත්මක කිරීමයි. ජයග්රාහකයින් සඳහා සංචිත පදනම් කරගත් පුහුණු වැඩසටහන් ද ක්රියාත්මක කෙරේ.
අයදුම්කරුවන් 2026 ජූලි 30 දිනට පෙර nysc.lk/youthawards
වෙබ් අඩවිය හරහා මාර්ගගත අයදුම්පත සම්පූර්ණ කළ යුතුය. ලියාපදිංචි කිරීමෙන් පසු ලැබෙන විස්තර ඇතුළත් පෝරමය තරගාවලිය සඳහා ඉදිරිපත් විය යුතු අතර, නිර්මාණ භාරදිය යුතු තරග සඳහා එම පෝරමය සමඟ සැප්තැම්බර් 10 දිනට පෙර මහරගම පිහිටි ජාතික තරුණ සේවා සභා ප්රධාන කාර්යාලයේ සෞන්දර්ය කුසලතා අංශයට නිර්මාණ භාර දිය යුතුය.
තරගාවලිය සඳහා අයදුම්පත් 2026 ජූනි 20 සිට ජූලි 30 දක්වා භාරගනු ලබන අතර, ප්රාදේශීය තරග 2026 අගෝස්තු 01 සිට අගෝස්තු 30 දක්වාත්, දිස්ත්රික් තරග 2026 අගෝස්තු 31 සිට සැප්තැම්බර් 30 දක්වාත් පැවැත්වේ.
