කොරෝනා වෛසරය ආසාදිතයින් රැක බලා ගැනීම් සිදු කරන සුවවිරුවන් වෙනුවෙන් රජය විසින් අවදානම් දීමනාවක් ලබා දෙන ලෙස හිටපු පාර්ලිමේන්තු මන්ත්රී පියසෝම උපාලි මහතා පවසයි.
ඒ මහතා සමාජමාධ්ය වෙත විශේෂ ප්රකාශයක් කරමින් කියා සිටියේ මේ වන විට සෞඛ්ය අංශය විසින් ඉතා අවදානම් තත්ත්වයක මෙම කොරෝනා රෝගීන්ට ප්රතිකාර සිදු කරන බවයි.
ඒ අනුව ඔවුන් වෙනුවෙන් රජය මැදිහත්ව ඔවුන්ට අවශ්ය පහසුකම් මෙන්ම දීමනා ලබා දීමට කටයුතු කළ යුතු බව හෙතෙම පැවසිය.
කෙසේ වෙතත් ඔවුන්ට අවදානම් දීමනාවක් සහ රක්ෂණ ආවරණයක් ලබා දෙන්නේනම් එය ඉතා ප්රයෝජනවත් වනු ඇති බව උපාලි මහතා කියා සිටියේය.
මන්ද මෙම වසංගත තත්ත්වය හමුවේ සුවවිරුවන් රෝගී වුවහොත් මරණයට පත්වුවහොත් ඔවුන් යටතේ ජිවත් වන පිරිස් සඳහා එය ප්රයෝජනවත්වන බව උපාලි මහතා වැඩිදුරටත් කියා සිටියේය.
