2026 වර්ෂය සඳහා වාර්ෂික වත්කම් සහ බැරකම් ප්රකාශ ඉදිරිපත් කිරීමේ අවසන් දිනය ජුනි 30 වනදාට යෙදී ඇති බව අල්ලස් හෝ දූෂණ චෝදනා විමර්ශන කොමිෂන් සභාව නිවේදනය කරයි. ඒ අනුව, එම ප්රකාශ ඉදිරිපත් කිරීම සඳහා ඉතිරිව ඇත්තේ තවත් දින 15ක කෙටි කාලසීමාවක් පමණි. මෙවර වත්කම් සහ බැරකම් ප්රකාශ ඉදිරිපත් කිරීමේදී අනුගමනය කළ යුතු නව ක්රමවේද පිළිබඳව කොමිෂන් සභාවේ අධ්යක්ෂ ජනරාල් ආර්.එස්.ඒ. දිසානායක මහතා විශේෂ කරුණු කිහිපයක් අවධාරණය කර ඇත. ප්රධාන කරුණු ලෙස, 2023 අංක 9 දරන දූෂණ විරෝධී පනත ප්රකාරව, සියලුම නිලධාරීන් මධ්යගත ඉලෙක්ට්රොනික පද්ධතියක් (https://ald.ciaboc.gov.lk/) හරහා පමණක් මෙම ප්රකාශ ඉදිරිපත් කළ යුතුය. පෙර පැවති නීතිවලට අමතරව, නව පනත යටතේ වෘත්තීය සමිති විධායක නිලධාරීන්, පුවත්පත් සහ විද්යුත් මාධ්ය හිමිකරුවන්/කර්තෘවරුන්, ජාතික ක්රීඩා සංගම්වල නිලධාරීන්, රේගු අනුයෝජිතයන් සහ වාප්පු නිලධාරීන් වැනි නව පාර්ශවයන්ටද මෙම වත්කම් ප්රකාශ ඉදිරිපත් කිරීම අනිවාර්ය කර ඇත. අදාළ නිලධාරීන් 2026 මාර්තු 31 වන දිනට තමන් සතු වත්කම් සහ බැරකම් මෙහිදී ප්රකාශ කළ යුතුවේ.
කොමිෂන් සභාව වැඩිදුරටත් සඳහන් කරන්නේ මෙය අදාළ සියලුම නිලධාරීන්ගේ සෘජු වගකීමක් බවයි. වැඩිදුර තොරතුරු හෝ තාක්ෂණික ගැටලු පවතින්නේ නම්, අල්ලස් හෝ දූෂණ චෝදනා විමර්ශන කොමිෂන් සභාවේ “වත්කම් සහ බැරකම් ප්රකාශ අංශය” වෙත දුරකථන ඔස්සේ සම්බන්ධ විය හැකිය.
