ඉරාන යුද්ධය හේතුවෙන් මතුව ඇති ගෝලීය බලශක්ති අර්බුදය හමුවේ, සිය බලශක්ති සැපයුම් දාමයන්හි ඔරොත්තු දීමේ හැකියාව ශක්තිමත් කිරීමට සහ ස්ථාවර වෙළඳ ප්රවාහයක් පවත්වා ගැනීමට ඕස්ට්රේලියාව සහ මැලේසියාව එකඟතාවයකට පැමිණ තිබේ. මැලේසියාවේ පුට්රජයා (Putrajaya) නුවරදී අද (16) පැවති ඒකාබද්ධ මාධ්ය සාකච්ඡාවකදී ඕස්ට්රේලියානු අග්රාමාත්ය ඇන්තනි ඇල්බනීස් සහ මැලේසියානු අග්රාමාත්ය අන්වර් ඉබ්රාහිම් මෙම තීරණය ප්රකාශයට පත් කළහ.
මැදපෙරදිග පවතින ගැටුම්කාරී තත්ත්වය සහ එහි ව්යාප්තිය පිළිබඳව දෙරටම දැඩි කනස්සල්ල පළ කර ඇති අතර, විශේෂයෙන්ම ඉන්ධන මිල ඉහළ යාම සහ සැපයුම් අඩාල වීම ආසියා-පැසිෆික් කලාපයට එල්ල කරන බලපෑම අවම කරගැනීම සඳහා සහයෝගයෙන් කටයුතු කිරීමට නායකයන් දෙපළ මෙහිදී ප්රතිඥා දුන්හ.
