අයහපත් කාලගුණික තත්ත්වය හේතුවෙන් පවුල් 4,151කට අයත් පුද්ගලයින් 16,345ක් මේ වනවිට බලපෑමට ලක්ව ඇතැයි ආපදා කළමනාකරණ මධ්යස්ථානය පවසයි. දිවයින පුරා දිස්ත්රික්ක 11කට අයත් ප්රාදේශීය ලේකම් කොට්ඨාස 383කින් මෙම තොරතුරු වාර්තා වී තිබේ.
මෙම ආපදා තත්ත්වය හේතුවෙන් වැඩිම පිරිසක් පීඩාවට පත්ව ඇත්තේ නුවරඑළිය දිස්ත්රික්කයෙන් වන අතර, එහි පවුල් 1,912කට අයත් පුද්ගලයින් 7,288ක් විපතට පත්ව ඇති අතර මරණ 6ක්ද වාර්තා වී ඇත. මීට අමතරව පුත්තලම සහ මහනුවර දිස්ත්රික්කවලින් එක් මරණය බැගින් වාර්තා වීමත් සමඟ, අයහපත් කාලගුණය නිසා මියගිය සමස්ත සංඛ්යාව 8 දෙනෙකු දක්වා ඉහළ ගොස් තිබේ.
මේ අතර, ආපදා තත්ත්වය නිසා නිවාස පූර්ණ හානි සහ අර්ධ නිවාස හානි 581ක්ද වාර්තා වී ඇති බව ආපදා කළමනාකරණ මධ්යස්ථානය නිකුත් කළ නවතම වාර්තාවේ සඳහන් වේ.
