බදුල්ල ශික්ෂණ රෝහලේ පවතින වෛද්ය නිලධාරීන්ගේ හිඟය හේතුවෙන්, දැනට වෙන වෙනම පවත්වාගෙන යනු ලබන දැඩි සත්කාර ඒකක දෙකක් තාවකාලිකව ඒකාබද්ධ කිරීමට රෝහල් බලධාරීන් පියවර ගෙන ඇති බව ලංකා සී නිවුස් වාර්තා කරයි.
ඒ අනුව මෙතෙක් වෙන වෙනම ක්රියාත්මක වූ ශල්ය දැඩි සත්කාර ඒකකය (SICU) සහ වෛද්ය දැඩි සත්කාර ඒකකය (MICU), මෙම මස 25 වන දින සිට එක් ඒකකයක් ලෙස SICU පරිශ්රය තුළ ඒකාබද්ධව ක්රියාත්මක වන බව බදුල්ල ශික්ෂණ රෝහලේ අධ්යක්ෂ, වෛද්ය හිමාලි විජේගුණසේකර මහත්මිය පවසන්නීය. පවතින වෛද්ය හිඟයට විසඳුමක් ලෙස මෙම තීරණය ගෙන ඇති අතර, රෝහල් කාර්ය මණ්ඩලය ඇතුළු අදාළ සියලුම අංශ මේ පිළිබඳව දැනුවත් කර තිබේ. කෙසේ වෙතත්, මෙය තාවකාලික පියවරක් පමණක් බව අවධාරණය කරන රෝහල් අධ්යක්ෂවරිය, වෛද්ය නිලධාරීන්ගේ හිඟය මඟහැරුණු වහාම මෙම දැඩි සත්කාර ඒකක දෙක පෙර පරිදිම වෙන වෙනම පවත්වාගෙන යාමට කටයුතු සූදානම් කරන බවද වැඩිදුරටත් සඳහන් කළාය.
