අම්බලන්ගොඩ, බලපිටිය ප්රදේශයේදී විදේශයක නිෂ්පාදිත පිස්තෝලයක් ඇතුළු උපකරණ සහ මත්ද්රව්ය සමග සැකකරුවෙකු අත්අඩංගුවට ගෙන තිබේ.
අහුංගල්ල පොලිස් ස්ථානයේ නිලධාරීන් විසින් සිදුකළ වැටලීමකදී විදෙස් රටක නිෂ්පාදිත පිස්තෝල අවියක්, පතරොම් ගැබක්, ජීව පතරොම් 16ක් සහ අයිස් මත්ද්රව්ය ග්රෑම් 11යි මිලිග්රෑම් 500ක් පොලිස් භාරයට ගෙන ඇත.
මුලින්ම අත්අඩංගුවට ගෙන ඇත්තේ බලපිටිය ප්රදේශයේ පදිංචි 31 හැවිරිදි පුද්ගලයෙකි. ඔහුට මෙම ගිනිඅවිය ලබාදුන් බව කියන 22 හැවිරිදි අනෙක් සැකකරු ද පෙරේදා රාත්රියේ වාද්දූව ප්රදේශයේදී අත්අඩංගුවට ගෙන තිබේ. මොවුන් දෙදෙනාම බලපිටිය ප්රදේශයේ පදිංචිකරුවෝ වෙති.
මෙම සැකකරුවන් සංවිධානාත්මක අපරාධකරුවෙකු සමග සමීප සම්බන්ධතා පවත්වන අය බවට තොරතුරු අනාවරණය වී ඇත. යම් අපරාධයක් සිදු කිරීමේ අරමුණින් මෙම ගිනිඅවිය මොවුන්ට ලබාදී ඇති බවට සැක කෙරේ.
අහුංගල්ල පොලිසිය විසින් සිද්ධිය සම්බන්ධයෙන් වැඩිදුර විමර්ශන සිදු කරනු ලබයි.
