බංග්ලාදේශයේ පැතිර යන සරම්ප ව්යාප්තිය හමුවේ වාර්තා වන මරණ සංඛ්යාව 1,000 ඉක්මවා ඇති බව නවතම වාර්තා පෙන්වා දෙයි. මාර්තු මාසයේ සිට සැක සහිත සරම්ප රෝගීන් 194,000කට අධික සංඛ්යාවක් වාර්තා වී ඇති අතර, දිනකට නව සැක සහිත රෝගීන් 1,000කට ආසන්න සංඛ්යාවක් තවදුරටත් වාර්තා වෙමින් පවතී.
රෝග ව්යාප්තිය පාලනය කිරීම සඳහා ක්රියාත්මක කළ එන්නත්කරණ වැඩසටහන් යටතේ සැප්තැම්බර් 14 වනවිට දරුවන් මිලියන 19.8කට ආසන්න සංඛ්යාවකට සරම්ප එන්නත් ලබාදී තිබේ. වසර මුලදී ලැබුණු නිල දත්ත අනුව වාර්තා වූ රෝගීන්ගෙන් බහුතරය වයස අවුරුදු 5ට අඩු දරුවන් වන අතර, එන්නත්කරණ හිඩැස් රෝග ව්යාප්තියට බලපා ඇති බව සෞඛ්ය බලධාරීහු පෙන්වා දෙති.
එන්නත් ලබා නොගත් හෝ පෙර වැඩසටහන්වලින් මඟහැරුණු දරුවන් වෙත ළඟාවීම සඳහා සැප්තැම්බර් 26 සිට තවත් පුළුල් එන්නත්කරණ වැඩසටහනක් ආරම්භ කිරීමට බංග්ලාදේශ රජය සැලසුම් කර තිබේ.
