ලබන සතියේ පාර්ලිමේන්තු න්යාය පත්රය සාකච්ඡා කිරීමට පාර්ලිමේන්තු කටයුතු පිළිබඳ කාරක සභාව අද දිනයේ රැස් කරන ලෙස විපක්ෂයේ ප්රධාන සංවිධායක ගයන්ත කරුණාතිලක මහතා කළ ඉල්ලීම සභානායක අමාත්ය බිමල් රත්නායක මහතා විසින් ප්රතික්ෂේප කර තිබෙනවා.
රටේ වත්මන් තත්ත්වය පිළිබඳව දේශපාලන පක්ෂ නියෝජනය කරන මන්ත්රීවරුන් දැඩි අවධානයෙන් පසුවන බවත්, මේ පිළිබඳව විපක්ෂයේ කණ්ඩායම් අතරද සාකච්ඡා වී ඇති බවත් කරුණාතිලක මහතා පෙන්වා දුන්නා. මෙවැනි තත්ත්වයක් තුළ කාරක සභාව ඉක්මනින් රැස් කිරීම අවශ්ය බවයි ඔහු අවධාරණය කළේ.
කෙසේ වෙතත්, සභානායක බිමල් රත්නායක මහතා පැවසුවේ එවැනි සාකච්ඡාවක් සඳහා දැනට සූදානමක් නොමැති බවයි. එම කාරක සභාවේ මීළඟ රැස්වීම ජූනි මස මුල් සතියේදී පැවැත්වීමට දැනටමත් කටයුතු යොදා තිබෙන බව ඔහු සඳහන් කළා.
රටේ පවතින ගැටලු ගැන පසුගිය දින දෙකේදීම පාර්ලිමේන්තුවේ දීර්ඝ ලෙස සාකච්ඡා කළ බවත්, පවතින ඩොලර් අර්බුදය විසඳීමට රජය දැනටමත් මැදිහත් වෙමින් සිටින බවත් සභානායකවරයා වැඩිදුරටත් කියා සිටියා.
