මීරිගම මූලික රෝහලේ හදිසි ප්රතිකාර ඒකකයේ පැවති ECG යන්ත්රයක් නොමැතිකමේ අඩුව පුරවමින්, එම යන්ත්රය පරිත්යාග කිරීමට බ්රැන්ඩික්ස් සමාගම පියවර ගෙන තිබේ.
මීට පෙර මෙම යන්ත්රය නොමැතිකම හේතුවෙන් ECG පරීක්ෂණ කරගැනීම සඳහා රෝගීන්ට දිගු දුරක් ගෙවා වෙනත් ස්ථාන වෙත යාමට සිදු වූ අතර, ඒ සඳහා අධික වියදමක් දැරීමට ද සිදුවිය. රෝහල් බලධාරීන් සඳහන් කරන්නේ, මෙම පරිත්යාගයත් සමඟ රෝහලේ සත්කාර සේවා සැලකිය යුතු ලෙස දියුණු වී ඇති බවත්, එමඟින් රෝගීන්ගේ වටිනා ජීවිත රැසක් ආරක්ෂා කර ගැනීමට හැකියාව ලැබෙන බවත්ය.
ශ්රී ලංකාවේ ප්රමුඛතම ඇඟලුම් සපයන්නා වන බ්රැන්ඩික්ස් සමාගම දශක දෙකකට වැඩි කාලයක් පුරා රටේ සෞඛ්ය සේවා ක්ෂේත්රයට විශාල දායකත්වයක් ලබා දී තිබේ. එමෙන්ම, අඛණ්ඩව වසර 14කට අධික කාලයක් ශ්රී ලංකාවේ විශාලතම ආයතනික රුධිර පරිත්යාගශීලියා ලෙස කටයුතු කරමින් ඔවුන් ප්රජා සත්කාරක වැඩසටහන් ද ක්රියාත්මක කරයි.
මේ පිළිබඳව අදහස් දක්වමින් බ්රැන්ඩික්ස් සමාගමේ ජ්යෙෂ්ඨ සාමාන්යාධිකාරී නිර්මාල් පෙරේරා මහතා පවසා සිටියේ, තම සමාගම ආදර්ශ ගම්මාන වැඩසටහන හරහා දිවයින පුරා සෞඛ්ය, අධ්යාපන සහ සමාජ සේවා දියුණු කිරීමේ අර්ථවත් වැඩසටහන් අඛණ්ඩව සිදුකරන බවයි.
