ඉන්දියාවේ නවදිල්ලි නුවර පැවති බ්රික්ස් (BRICS) සාමාජික රටවල ජාතික ආරක්ෂක උපදේශකවරුන්ගේ සහ ජාතික ආරක්ෂාව පිළිබඳ ඉහළ පෙළේ නියෝජිතයින්ගේ 16 වැනි රැස්වීම මගින් බහුපාර්ශ්විකත්වය යළි තහවුරු කිරීමට පියවර ගෙන තිබේ. මෙම රැස්වීමට එක්වූ චීන විදේශ අමාත්ය වැන්ග් යී මහතා මේ බව තහවුරු කළේය.
මෙම රැස්වීමේදී එළඹුණු වැදගත් එකඟතා සහ සාකච්ඡා වූ කරුණු:
බහුපාර්ශ්විකත්වය තහවුරු කිරීම, ප්රධාන අර්බුද සඳහා දේශපාලන විසඳුම් ප්රවර්ධනය කිරීම සහ සාම්ප්රදායික මෙන්ම සාම්ප්රදායික නොවන ආරක්ෂක තර්ජන සඳහා සම්බන්ධීකරණයකින් යුතුව ප්රතිචාර දැක්වීම යන කරුණු පිළිබඳව එකඟතාව පළ විය.
බ්රික්ස් සාමාජික රටවල සහ ගෝලීය දකුණේ ස්වාධීනත්වය සහ ස්වයං රඳාපැවැත්ම තහවුරු කිරීමටත්, සහයෝගීතාව සහ අන්යෝන්ය සහාය වර්ධනය කිරීම සඳහාත් වඩාත් ශක්තිමත් ඒකාබද්ධ ක්රියාමාර්ග ගැනීමට අවශ්ය පොදු සහයෝගය මෙම රැස්වීමේදී ප්රකාශ විය.
මෙම රැස්වීම් යාන්ත්රණය තවදුරටත් භාවිත කරමින් ප්රධාන ජාත්යන්තර සහ කලාපීය අර්බුද සම්බන්ධයෙන් සන්නිවේදනය සහ සම්බන්ධීකරණය පවත්වා ගැනීමටත්, ‘Greater BRICS’ සහයෝගීතාව නිරන්තරයෙන් පොහොසත් කිරීමටත් සැමගේ සහයෝගය ලැබිණි.
ලබන වසරේ බ්රික්ස් සංවිධානයේ අනුක්රමික සභාපතිත්වය චීනය විසින් හොබවනු ලබන අතර, එම කාලසීමාවේදී දේශපාලන හා ආරක්ෂක සහයෝගීතාව ගැඹුරු කිරීම සහ ලෝක සාමය හා ආරක්ෂාව වෙනුවෙන් බ්රික්ස් සාමාජිකත්වයේ ශක්තිය දායක කිරීම මූලික කරගනිමින් සියලු සාමාජිකයින් චීනයේදී යළි හමුවීමට බලාපොරොත්තු වන බව වැන්ග් යී මහතා ප්රකාශ කළේය.
