මැදපෙරදිග කලාපයේ පවතින ගැටුම්කාරී තත්ත්වයත් සමඟ ආයෝජකයින් ආරක්ෂිත පියවරක් ලෙස ඇමෙරිකානු ඩොලරය කෙරෙහි වැඩි අවධානයක් යොමු කිරීම හේතුවෙන්, බ්රිතාන්ය ස්ටර්ලින් පවුමේ අගය අද (21) සුළු වශයෙන් පහත වැටී තිබේ. බ්රිතාන්යයේ රැකියා විරහිත ප්රතිශතය අනපේක්ෂිත ලෙස පහත වැටී ඇති බවට දත්ත වාර්තා වුවද, එහි වාසිය පවුමේ අගය ඉහළ යාමට ප්රමාණවත් වී නොමැත. විලේෂකයින් පෙන්වා දෙන්නේ එම දත්ත මගින් බ්රිතාන්ය ශ්රම වෙළෙඳපොළේ සැබෑ සෞඛ්ය සම්පන්න බව නිරූපණය නොවන බවයි.
බ්රිතාන්යයේ විරැකියාව අඩු වීමට හේතු වී ඇත්තේ රැකියා නියුක්තිය ඉහළ යාම නොව, අධ්යාපන කටයුතුවල නිරත වීම නිසා රැකියා සෙවීමෙන් ඉවත් වූ සිසුන් සංඛ්යාව ඉහළ යාම බව දත්ත මගින් හෙළි වේ. එමෙන්ම සාමාන්ය සතිපතා උපයන ආදායම ද පහත වැටී ඇත. ඉරාන යුද්ධය සහ මැදපෙරදිග අර්බුදය ගෝලීය මූල්ය වෙළෙඳපොළ කෙරෙහි තවදුරටත් බලපෑම් එල්ල කරමින් පවතින අතර, ඉදිරි දිනවලදී පවුමේ අගය මෙම පරාසය තුළම රැඳී පවතිනු ඇතැයි අපේක්ෂා කෙරේ.
