මෑතකදී සිදු කරන ලද බස් ගාස්තු සංශෝධනය හේතුවෙන් පොදු ප්රවාහන සේවා භාවිත කරන මගීන්ගේ පාරිභෝගික හා ආර්ථික මූලික අයිතිවාසිකම් බරපතළ ලෙස උල්ලංඝනය වන බව හම්බන්තොට දිස්ත්රික් මානව හිමිකම් ප්රථමාධාර මධ්යස්ථානයේ සම්බන්ධීකාරක තරංග එල්. පටබැඳි මහතා ප්රකාශ කර තිබේ. ඔහු චෝදනා කර සිටින්නේ ජාතික ප්රවාහන කොමිෂන් සභාව (NTC) විසින් විධිමත් අධීක්ෂණයකින් තොරව ගාස්තු සංශෝධනය කිරීම හේතුවෙන්, බස් රථ කොන්දොස්තරවරුන්ට මගීන්ගෙන් ලැබිය යුතු ඉතිරි මුදල් (Balance Money) නිසි ලෙස ලබා නොදී අයථා ලෙස පරිහරණය කිරීමට වක්රව අවස්ථාව සලසා දී ඇති බවයි.
විශේෂයෙන්ම රුපියල්වලින් පවතින අගයන් නිවැරදිව පියවීමකින් තොරව සිදුවන මෙවැනි ගාස්තු සංශෝධන නිසා දිනපතා ගමන් ගන්නා මගීන්ට සිදුවන ආර්ථික පාඩුව සුළුපටු නොවන බව පාරිභෝගික සුරැකීමේ සංවිධාන පෙන්වා දෙති. පොදු ප්රවාහන පද්ධතියක් තුළ විනිවිදභාවය සහ සාධාරණත්වය තහවුරු කිරීම රජයක වගකීමක් වන අතර, මගී ජනතාව නිරන්තරයෙන් මුහුණ දෙන මෙම ‘ඉතිරි මුදල්’ නොලැබීමේ ගැටලුවට ඩිජිටල් ගෙවීම් ක්රමවේද හෝ කාසි හිඟයට නිසි පිළියම් යෙදීම වැනි ප්රායෝගික විසඳුම් හඳුන්වා දීම අත්යවශ්ය බව ප්රවාහන හා සමාජයීය විශ්ලේෂකයෝ පෙන්වා දෙති. මගී අයිතිවාසිකම් සුරක්ෂිත කරමින් වඩාත් විධිමත් නියාමන පටිපාටියක් ක්රියාවට නැංවීම, පොදු සේවාවන් කෙරෙහි මහජන විශ්වාසය තහවුරු කිරීමට මනා පිටිවහලක් වන බව පරිපාලන අංශ සන්කල්පනය කරයි.
