නුගේගොඩ, පාගොඩ ප්රදේශයේ පිහිටි ප්රධාන පෙළේ ආහාර ද්රව්ය ආනයනකරුවෙකුට අයත් ගබඩා පරිශ්රයක පාරිභෝගික කටයුතු පිළිබඳ අධිකාරියේ නිලධාරීන් විසින් සිදුකළ හදිසි වැටලීමකදී අක්රමිකතා රැසක් අනාවරණය වීම හේතුවෙන් අදාළ ගබඩා 4ක් මුද්රා තබා තිබේ.
මෙම ගබඩා මඟින් දිවයිනේ ප්රධාන පෙළේ හෝටල් සහ වෙළෙඳපොළ වෙත චීස්, බටර්, චොකලට්, කොකෝවා කුඩු, ටින් කළ පළතුරු හා එළවළු, පැස්ටා, මස් වර්ග සහ බේකරි නිෂ්පාදන සඳහා යොදාගන්නා අමුද්රව්ය තොග වශයෙන් බෙදාහැර ඇත. ගබඩා කර තිබූ බොහෝ නිෂ්පාදනවල ආනයනකරු පිළිබඳ තොරතුරු සඳහන් කර නොතිබිණි. මුල් ඇසුරුම්වල තිබූ නිෂ්පාදිත දිනය සහ කල් ඉකුත්වන දිනය වැනි අත්යවශ්ය තොරතුරු ඉවත් කර, වෙනත් ඇසුරුම්වලට භාණ්ඩ නැවත ඇසුරුම් කිරීමේ ක්රියාවලියක් සිදුකර තිබේ. හෝටල් සහ වෙළෙඳපොළ වෙත නිකුත් කිරීමට සූදානම් කර තිබූ කල් ඉකුත් වූ ආහාර නිෂ්පාදන තොගයක් ද සොයාගෙන ඇත. පාරිභෝගික සෞඛ්යයට ඇති විය හැකි අවදානම සැලකිල්ලට ගෙන පුළුල් විමර්ශනයක් ආරම්භ කර ඇති අතර, විමර්ශන අවසන් වන තෙක් ගබඩා මුද්රා තබා නීතිමය ක්රියාමාර්ග ගැනීමට නියමිතය.
