දේශීයව ඇසුරුම් කළ හෝ බෝතල් කළ පානීය ජලය (PET බෝතල්) සඳහා නව උපරිම සිල්ලර මිල ගණන් නියම කරමින් පාරිභෝගික කටයුතු පිළිබඳ අධිකාරිය විසින් අංක 2492/29 දරන විශේෂ ගැසට් නිවේදනය නිකුත් කර තිබේ. 2003 අංක 9 දරන පාරිභෝගික කටයුතු පිළිබඳ අධිකාරිය පනතේ 20 (5) වගන්තිය යටතේ නිකුත් කර ඇති මෙම නියෝගය ජූනි 10 වන දින සිට වහාම ක්රියාත්මක වේ.
මෙම නව මිල පාලන නියෝගයත් සමඟ 2025 අප්රේල් 01 දිනැති අංක 2430/15 දරන පැරණි ගැසට් නිවේදනය අවලංගු වන අතර, නියමිත උපරිම සිල්ලර මිල ඉක්මවා පානීය ජල බෝතල් අලෙවි කිරීම, ප්රදර්ශනය කිරීම හෝ ඒ සඳහා ඉදිරිපත් කිරීම නිෂ්පාදකයින්, ඇසුරුම්කරුවන්, බෙදාහරින්නන් හෝ වෙළෙන්දන් සඳහා තහනම් කර ඇත.
නව ගැසට් නිවේදනයට අනුව බෝතල් කළ පානීය ජලය සඳහා පනවා ඇති උපරිම සිල්ලර මිල ගණන් පහත දැක්වේ:
මි.ලීටර 500 සිට 999 දක්වා – රු. 80.00
ලීටර 1 සිට 1.499 දක්වා – රු. 120.00
ලීටර 1.5 සිට 1.999 දක්වා – රු. 150.00
ලීටර 2 සිට 2.499 දක්වා – රු. 180.00
ලීටර 5 සිට 6.999 දක්වා – රු. 400.00
