ශ්රී ලංකා භික්ෂු විශ්වවිද්යාලය සඳහා යෝජිත බහුකාර්ය ගොඩනැගිල්ලේ ඉදිකිරීම් කටයුතු සම්පූර්ණ කිරීම සඳහා ඇස්තමේන්තුගත පිරිවැය සංශෝධනය කිරීමට අමාත්ය මණ්ඩල අනුමැතිය හිමිව තිබේ. 2018 වසරේදී රුපියල් මිලියන 486ක ඇස්තමේන්තුවක් සහිතව ආරම්භ වූ මෙම ව්යාපෘතිය, විවිධ බාධක හේතුවෙන් නියමිත කාලය තුළ නිම කිරීමට නොහැකි වී ඇත.
වත්මන් තත්ත්වය අනුව ව්යාපෘතියේ මුළු පිරිවැය රුපියල් මිලියන 663ක් ලෙස යාවත්කාලීන කර ඇති අතර, එහි ඉතිරි වැඩකටයුතු නිම කිරීම සඳහා රුපියල් මිලියන 177ක අතිරේක ප්රතිපාදන අවශ්යව පවතී. අධ්යාපන, උසස් අධ්යාපන හා වෘත්තීය අධ්යාපන අමාත්යවරිය ලෙස අග්රාමාත්යතුමිය ඉදිරිපත් කළ මෙම යෝජනාවට අනුමැතිය ලැබීමත් සමඟ, විශ්වවිද්යාලයේ භෞතික සම්පත් සංවර්ධනය කිරීමේ මෙම ව්යාපෘතිය කඩිනමින් අවසන් කිරීමට අවස්ථාව සැලසේ.
