ස්වයංක්රීයව ධාවනය වන බර උපකරණ සහ ට්රක් රථ (Heavy-duty autonomous vehicles) පරීක්ෂා කිරීමට සහ මාර්ගවල ධාවනය කරවීමට අවසර දෙමින් කැලිෆෝනියා මෝටර් රථ දෙපාර්තමේන්තුව (DMV) නව රෙගුලාසි මාලාවක් ප්රකාශයට පත් කර තිබේ. මෙමඟින් මීට පෙර පවුම් 10,001කට වඩා බරින් වැඩි ස්වයංක්රීය වාහන සඳහා පනවා තිබූ තහනම ඉවත් කර ඇත.
නව නීති රීති අනුව, මෙම වාහන වාණිජමය වශයෙන් භාවිත කිරීමට පෙර දැඩි ආරක්ෂිත පරීක්ෂණ මාලාවකට යටත් විය යුතුය. ඒ අනුව, සැහැල්ලු වාහන සැතපුම් 50,000ක් ද, බර වාහන සැතපුම් 500,000ක් ද පරීක්ෂණ මට්ටමේදී ධාවනය කර තිබීම අනිවාර්ය වේ. රියදුරෙකු නොමැතිව භාණ්ඩ ප්රවාහනය කිරීමේ තාක්ෂණය (Autonomous freight operations) දියුණු කිරීම මෙහි ප්රධාන අරමුණයි. කෙසේ වෙතත්, මෙම ස්වයංක්රීය වාහන ද රජයේ මාර්ග නීතිවලට සහ ආරක්ෂිත පරීක්ෂාවන්ට (Patrol stations) සාමාන්ය වාහන මෙන්ම යටත් විය යුතු බව බලධාරීන් අවධාරණය කරයි.
