පාස්කු ඉරිදා ත්රස්ත ප්රහාරයේ වින්දිතයන්ට සාධාරණය ඉටු කිරීමේ ක්රියාවලිය පිළිබඳව අදහස් දක්වමින් අති උතුම් මැල්කම් රංජිත් කාදිනල් හිමිපාණන් පාලකයන්ට සහ අදාළ බලධාරීන්ට දැඩි විවේචනයක් එල්ල කර තිබේ.
ආරක්ෂක අංශවල සිටි හෝ “රණවිරුවන්” ලෙස හඳුන්වනු ලබන පුද්ගලයන් යම් අපරාධයකට හෝ ඝාතනයකට සම්බන්ධ වී ඇත්නම්, ඔවුන්ට එරෙහිව නීතිය ක්රියාත්මක කිරීම කිසිසේත්ම දේශද්රෝහී ක්රියාවක් නොවන බව උන්වහන්සේ අවධාරණය කරති. ඇතැම් පිරිස් තමන්ගේ හිතවතුන් නීතියෙන් බේරා ගැනීම සඳහා ඔවුන්ව රණවිරු ලේබලය පිටුපස සැඟවීමට උත්සාහ කරන බවත්, එය ඉතා නින්දිත ක්රියාවක් බවත් උන්වහන්සේ පෙන්වා දෙති.
පාස්කු ප්රහාරයෙන් අගතියට පත් වූ ජනතාවට සාධාරණය ඉටු කිරීම ඔවුන්ගේ මූලික අයිතිවාසිකමක් බවත්, යුක්තිය පසිඳලීමේදී තරාතිරම නොබලා වැරදිකරුවන්ට දඬුවම් ලබා දිය යුතු බවත් කාදිනල් හිමිපාණන් වැඩිදුරටත් සඳහන් කළහ. වින්දිතයන් වෙනුවෙන් යුක්තිය ඉටු කළ හැක්කේ අපරාධකරුවන්ට දේශපාලන හෝ වෙනත් වරප්රසාද මත ආරක්ෂාව සැපයීම නතර කිරීමෙන් පමණක් බව උන්වහන්සේගේ අදහසයි.
