මෙරට ක්රෙඩිට් කාඩ්පත් (ණය පත්) භාවිත කරන්නන් විසින් බැංකු වෙත ගෙවීමට ඇති සමස්ත හිඟ මුදල (Outstanding Balance) 2026 මාර්තු මාසය අවසන් වන විට රුපියල් බිලියන 194ක් දක්වා කැපී පෙනෙන ලෙස ඉහළ ගොස් ඇති බව ශ්රී ලංකා මහ බැංකුව නිකුත් කළ අලුත්ම වාර්තාවල දැක්වේ. පවතින ජීවන වියදම් පීඩනය හමුවේ අත්යවශ්ය දේ මිලදී ගැනීමට පවා ජනතාව වැඩි වශයෙන් ක්රෙඩිට් කාඩ්පත් මත යැපීමට සිදුවීම මෙම අගයන් ඉහළ යාමට ප්රධානතම හේතුවක් බව ආර්ථික විශ්ලේෂකයෝ පෙන්වා දෙති.
මහ බැංකු දත්තවලට අනුව 2026 පෙබරවාරි මාසය වන විට මෙම හිඟ මුදල පැවතියේ රුපියල් බිලියන 190ක මට්ටමක වන අතර, ඒ අනුව මාසයක් වැනි කෙටි කාලයක් තුළ පමණක් ක්රෙඩිට් කාඩ් ණය මුදල රුපියල් බිලියන 3.4කින් තවත් ඉහළ ගොස් තිබේ. එසේම 2025 දෙසැම්බර් වසර අවසානයේ පැවැති තත්ත්වයට වඩා මේ වන විට එම සමස්ත ණය අගය රුපියල් බිලියන 4.4ක දැවැන්ත වර්ධනයක් පෙන්නුම් කර ඇති අතර, මෙම තත්ත්වය මෙරට වාණිජ බැංකුවල ක්රෙඩිට් කාඩ්පත් මඟින් සිදුවන ගනුදෙනු සහ පාරිභෝගික ණය බරෙහි පවතින සීඝ්ර වර්ධනය මනාව පිළිබිඹු කරන්නකි
