මධ්යම අධිවේගී මාර්ගයේ කඩවත සිට මීරිගම දක්වා වන කොටසේ ඉදිකිරීම් කටයුතු නැවත ආරම්භ කිරීම සඳහා අරමුදල් සැපයීමට චීනය එකඟතාව පළ කර තිබේ. ඒ අනුව, චීන එක්සිම් බැංකුව සමඟ සංශෝධිත ගිවිසුමක් අත්සන් කිරීමට නියමිත අතර, එමගින් ඇමරිකානු ඩොලර් මිලියන 500ක අරමුදල් ව්යාපෘතිය සඳහා ලැබෙනු ඇත. රජයේ දායකත්වය ලෙස තවත් ඇමරිකානු ඩොලර් මිලියන 438ක් ද මෙම ව්යාපෘතිය වෙනුවෙන් වෙන් කෙරේ.
2022 වසරේ සිට ඇනහිට තිබූ කිලෝමීටර් 37ක් දිගු මෙම මාර්ග කොටසේ වැඩ කටයුතු යළි ආරම්භ කිරීමත් සමඟ ව්යාපෘතිය 2028 සැප්තැම්බර් මාසය වන විට සම්පූර්ණයෙන් නිම කිරීමට අපේක්ෂා කෙරේ. දැනට මෙම ව්යාපෘතියෙන් 51%ක ප්රගතියක් අත්කරගෙන ඇති අතර, ඉදිකිරීම් යළි ආරම්භ කිරීමෙන් පසු වසර අවසන් වන විට සමස්ත ඉදිකිරීම් 65% දක්වා වර්ධනය කර ගැනීමට සැලසුම් කර ඇත.
තවද, 2027 වසර අවසන් වන විට ව්යාපෘතියේ 90% සිට 95% දක්වා ප්රගතියක් අත්කර ගැනීමටත්, ඉතිරි කොටස 2028 වසර තුළ අවසන් කර මහජනතාව සඳහා විවෘත කිරීමටත් රජය අපේක්ෂා කරයි.
