එක්සත් ජාතික පක්ෂයේ සෙංකඩගල ආසන සංවිධායක ධුරයෙන් සහ එහි සියලු වගකීම්වලින් අද (21) සිට ක්රියාත්මක වන පරිදි ඉල්ලා අස්වූ බව චමින්ද මලලසේකර මහතා පවසයි.
තමන් දරන තනතුරුවලින් ඉල්ලා අස්වන බව සඳහන් කරමින් ඔහු මේ වන විට එක්සත් ජාතික පක්ෂයේ මහලේකම්වරිය වෙත විශේෂ ලිපියක් යොමු කර තිබේ. තම ඉදිරි දේශපාලන අනාගතය වෙනුවෙන් වෙනත් දේශපාලන පක්ෂයක් සමඟ එක්වීමේ අරමුණින් ඉතා අපහසුවෙන් මෙම තීරණය ගත් බවත්, පක්ෂය සමඟ ඇති වූ කිසිදු ගැටලුවක් හෝ සිත රිදීමක් නිසා ගත් තීන්දුවක් නොවන බවත් ඔහු අදාළ ලිපිය මඟින් පෙන්වා දී ඇත.
