ඉරානයෙන් තෙල් මිලදී ගැනීම සම්බන්ධයෙන් ඇමරිකානු භාණ්ඩාගාරය විසින් චීනයේ තෙල් පිරිපහදු සමාගම් පහකට පනවා තිබූ සම්බාධක අවහිර කිරීමට චීන වාණිජ අමාත්යාංශය පියවර ගෙන තිබේ. සෙනසුරාදා දින රජයේ ප්රවෘත්ති ඒජන්සිය වන සින්හුවා වාර්තා කළේ මෙම සම්බාධක වලංගු නොවන බව පවසමින් චීනය විසින් අදාළ තහංචියට එරෙහිව නිල නියෝගයක් නිකුත් කර ඇති බවයි.
චීන වාණිජ අමාත්යාංශය විසින් මෙම පියවර ගෙන ඇත්තේ හෙන්ග්ලි පෙට්රොකෙමිකල් (ඩාලියන්) පිරිපහදුව සහ ‘ටීපොට්’ ලෙස හඳුන්වන කුඩා පිරිපහදු සමාගම් හතරක් වන ෂැන්ඩොං ජින්චෙන්ග් පෙට්රොකෙමිකල් ගෲප්, හෙබෙයි ෂින්හායි කෙමිකල් ගෲප්, ෂූගුවාං ලුක්විං පෙට්රොකෙමිකල් සහ ෂැන්ඩොං ෂෙන්ග්සිං කෙමිකල් යන සමාගම් ඉලක්ක කර ගනිමිනි. පසුගිය අප්රේල් මාසයේදී ඇමරිකාව විසින් මෙම සමාගම් ඉරාන තෙල් ජාවාරම සමඟ සම්බන්ධ බවට චෝදනා කරමින් සම්බාධක පනවන ලදී. ලෝක බලශක්ති වෙළඳපොළ තුළ පවතින ආතතිය මධ්යයේ ගනු ලැබූ මෙම තීරණය ඇමරිකාව සහ චීනය අතර වෙළඳ සහ රාජ්ය තාන්ත්රික සබඳතාවල නව ගැටුමක් ඇති කිරීමට හේතු වී ඇත.
