යේමනයේ ශබ්වා පළාතේ වෙරළට ඔබ්බෙන් වූ මුහුදු ප්රදේශයේදී ‘M/T EUREKA’ නමැති තෙල් ප්රවාහන නෞකාව සන්නද්ධ පිරිසක් විසින් පැහැරගෙන ඇති බව යේමන වෙරළාරක්ෂක බලකාය පවසයි. නෞකාවට ගොඩවූ නාඳුනන සන්නද්ධ පිරිසක් එහි පාලනය සියතට ගෙන, එය ඒඩන් බොක්ක හරහා සොමාලියානු දෙසට ගමන් කරවමින් පවතින බව වාර්තා වේ.
මෙම නෞකාව පවතින ස්ථානය මේ වන විට හඳුනාගෙන ඇති බවත්, එය නැවත මුදා ගැනීමට සහ එහි කාර්ය මණ්ඩලයේ ආරක්ෂාව තහවුරු කිරීමට අවශ්ය පියවර ගනිමින් සිටින බවත් වෙරළාරක්ෂක බලකාය වැඩිදුරටත් සඳහන් කරයි. මෙම සිදුවීමත් සමඟ කලාපයේ මුහුදු මාර්ගවල ආරක්ෂාව පිළිබඳව දැඩි අවධානයක් යොමුව තිබේ.
