එක්සත් ජනපදයේ සැපයුම් දාමයන් චීනයෙන් ඉවත් කර ගැනීමට ගන්නා උත්සාහයට බාධා කරමින් චීනය විසින් නව වෙළඳ නීති මාලාවක් හඳුන්වා දී තිබේ. ජනාධිපති ඩොනල්ඩ් ට්රම්ප් සහ චීන ජනාධිපති ෂී ජින්පිං අතර මැයි මාසයේ පැවැත්වීමට නියමිත සමුළුවට පෙර මෙම පියවර ගෙන තිබුණ ද, ධවල මන්දිරය ඒ සම්බන්ධයෙන් කිසිදු ප්රකාශයක් සිදු කර නොමැත.
චීනයේ නව රීති මගින් අමෙරිකානු සමාගම් චීනය සමඟ පවතින ගනුදෙනු අඩු කිරීම හෝ වෙනත් රටවල් වෙත නිෂ්පාදන යොමු කිරීම දඬුවම් ලැබිය හැකි වරදක් ලෙස සලකනු ලබයි. විශේෂයෙන් ඖෂධ සහ අත්යවශ්ය ඛනිජ වර්ග වැනි උපායමාර්ගික කර්මාන්ත කෙරෙහි මෙම නීති දැඩි ලෙස බලපෑම් කළ හැකි බව විශ්ලේෂකයෝ පෙන්වා දෙති.
කෙසේ වෙතත්, ට්රම්ප් පරිපාලනය මෙම ගැටලුව සම්බන්ධයෙන් ප්රසිද්ධියේ ප්රතිචාර දැක්වීමෙන් වැළකී සිටින්නේ දෙරට අතර පවතින උපායමාර්ගික ස්ථාවරත්වය ආරක්ෂා කර ගැනීමේ අරමුණින් විය හැකි බවයි. එහෙත්, මෙම නිහඬතාවය අමෙරිකාවේ දුර්වලතාවයක් ලෙස පෙන්වා දීමට ද ඇතැම් පාර්ශ්ව කටයුතු කරයි.
