ඉරාන යුද්ධය හේතුවෙන් විදේශීය රටවල පුනර්ජනනීය බලශක්ති ඉල්ලුම ඉහළ ගියද, චීනයේ සූර්ය බලශක්ති නිෂ්පාදකයින් මේ වන විටත් අලාභ ලබමින් සිටී. මෙම වසරේ පළමු කාර්තුවේදී සමාගම්වල මූල්ය ප්රතිඵල මිශ්ර ස්වභාවයක් ගෙන ඇති අතර චීනය තුළ පවතින ඉල්ලුම පහත වැටීම මීට ප්රධානතම හේතුව වී තිබේ.
මැදපෙරදිග ගැටුම් හේතුවෙන් ලෝක වෙළඳපොළේ තෙල් හා ගෑස් මිල ඉහළ යාම නිසා විදේශීය රටවල් විකල්ප බලශක්ති කෙරෙහි වැඩි අවධානයක් යොමු කර තිබේ. එමගින් චීන සමාගම්වලට යම් වාසිදායක තත්ත්වයක් උදා වුවද, චීනය තුළ විදුලි මිල ගණන් වෙනස් වීම හේතුවෙන් දේශීය ඉල්ලුම 20%කින් පමණ හැකිලී ඇත.
ජින්කෝසෝලා (JinkoSolar) සහ ට්රීනා සෝලා (Trina Solar) යන සමාගම්වල අලාභ යම් පමණකින් අඩුවී ඇතත්, ලොන්ගි ග්රීන් එනර්ජි (Longi Green Energy) සමාගමේ පාඩුව විනිමය අනුපාතික උච්චාවචනයන් හේතුවෙන් තවදුරටත් ඉහළ ගොස් තිබේ. එසේ වුවද පවතින අතිවිශාල නිෂ්පාදන ධාරිතාව හේතුවෙන් මෙම ජාත්යන්තර ඉල්ලුම පමණක් චීනයේ සූර්ය බලශක්ති අර්බුදය විසඳීමට ප්රමාණවත් නොවන බව විශ්ලේෂකයෝ පෙන්වා දෙති.
