අන්තර්ජාලය හරහා විවිධ නීති විරෝධී ක්රියාකාරකම්වල නිරත වූ බවට සැකපිට කාන්තාවක් ඇතුළු චීන ජාතිකයින් 37 දෙනෙකු වලාන මධ්යම දූෂණ මර්දන ප්රහාරක බලකාය සහ තලංගම පොලිසියේ දූෂණ මර්දන ඒකකය එක්ව සිදුකළ විශේෂ මෙහෙයුමකදී අත්අඩංගුවට ගෙන තිබේ. තලංගම කොස්වත්ත ප්රදේශයේ කුලී පදනම මත ලබාගත් නිවසක් වැටලීමේදී මෙම සැකකරුවන් අත්අඩංගුවට ගත් අතර, එහිදී ඩෙස්ක්ටොප් පරිගණක 35ක්, ටැබ් පරිගණක 37ක්, ජංගම දුරකථන 147ක්, සිම්පත් 100ක් සහ නීති විරෝධී දුම්වැටි 2100ක් පොලිස් භාරයට ගැනිණි.
මූලික විමර්ශනවලදී අනාවරණය වී ඇත්තේ මාස තුනක සංචාරක වීසා මත මෙරටට පැමිණි මෙම පිරිස විවිධ නීති විරෝධී සේවාවන් සපයා ඇති බවයි. මොවුන් මූල්ය වංචා, හැකර් ප්රහාර හෝ වෙනත් අන්තර්ජාල අපරාධවල නිරත වූවන්ද යන්න සම්බන්ධයෙන් පුළුල් පරීක්ෂණ ආරම්භ කර ඇති අතර, අත්අඩංගුවට ගත් සියලුම උපාංග වැඩිදුර විමර්ශන සඳහා අපරාධ පරීක්ෂණ දෙපාර්තමේන්තුවේ පරිගණක අපරාධ විමර්ශන ඒකකය වෙත භාර දී තිබේ. සැකකරුවන් කඩුවෙල මහේස්ත්රාත් අධිකරණයට ඉදිරිපත් කිරීමෙන් අනතුරුව ලබන 07 වැනිදා දක්වා රක්ෂිත බන්ධනාගාරගත කිරීමට නියෝග කෙරිණි.
