6 ශ්රේණිය ඉංග්රීසි මොඩියුලයට අසභ්ය වෙබ් අඩවියක සබැඳියක් (Link) ඇතුළත් වීමේ සිද්ධිය සම්බන්ධයෙන් පවත්වන ලද විමර්ශනවල අවසන් වාර්තාව අපරාධ පරීක්ෂණ දෙපාර්තමේන්තුව (CID) විසින් අධ්යාපන බලධාරීන් වෙත භාර දී තිබේ. එම වාර්තාවට අනුව මෙම සිදුවීම පිටුපස කිසිදු කුමන්ත්රණයක් හෝ අපරාධමය වරදක් සිදුව නොමැති බව තහවුරු වී ඇත.
ඒ අනුව, අදාළ නිලධාරීන්ට එරෙහිව දණ්ඩ නීති සංග්රහය යටතේ අපරාධමය ක්රියාමාර්ග ගැනීමක් සිදු නොවන බව වාර්තා වේ. මේ පිළිබඳව අදහස් දැක්වූ අධ්යාපන නියෝජ්ය අමාත්ය වෛද්ය මධුර සෙනෙවිරත්න මහතා සඳහන් කළේ අපරාධමය වරදක් අනාවරණය වී නොමැති වුවද, සිදු වූ පරිපාලනමය වැරදි සහ නොසලකා හැරීම් සම්බන්ධයෙන් නිලධාරීන් කිහිප දෙනෙකුට එරෙහිව විනය පරීක්ෂණ ආරම්භ කර ඇති බවයි.
මෙම සිද්ධිය සම්බන්ධයෙන් ජාතික අධ්යාපන ආයතනයේ නියෝජ්ය අධ්යක්ෂ ජනරාල්වරයා මීට පෙර අනිවාර්ය නිවාඩු යැවීමට කටයුතු කළ අතර, තවත් නිලධාරිනියන් දෙදෙනෙකුගේ වැඩ තහනම් කිරීමට පියවර ගැනුණි. විනය පරීක්ෂණ අවසානයේ ඔවුන් සම්බන්ධයෙන් ගත යුතු ඉදිරි පරිපාලනමය ක්රියාමාර්ග තීරණය කිරීමට නියමිතය.
