දකුණු ආසියාවේ පළමු පූර්ණ ඒකාබද්ධ නිකේතනය වන City of Dreams Sri Lanka, මෙරට සංචාරක ක්ෂේත්රයේ නව පෙරළියක් සිදු කරමින් අතිවිශිෂ්ට සේවාවක් පිරිනමනවා. ජෝන් කීල්ස් හෝල්ඩින්ග්ස් (JKH) සහ මෙල්කෝ රිසෝර්ට්ස් එක්ව ඇමරිකානු ඩොලර් බිලියන 1.3ක ආයෝජනයකින් ඉදි කළ මෙම ව්යාපෘතිය, ශ්රී ලංකාවේ සිදු කළ විශාලතම පෞද්ගලික ආයෝජනයයි. වර්ග අඩි මිලියන 4.5ක භූමි භාගයක විහිදී ඇති මෙම සංකීර්ණය, විවේකය, විනෝදාස්වාදය, සාප්පු සවාරි සහ ව්යාපාරික පහසුකම් යන සියල්ල එකම වහලක් යටට ගෙන එමින් කොළඹ නගරය ගෝලීය සංචාරක සිතියමේ සුවිශේෂී මධ්යස්ථානයක් බවට පත් කර තිබෙනවා.
මෙම නිකේතනයේ ප්රධාන අංගය වන්නේ City of Dreams ජාලයට අයත් Nüwa සුඛෝපභෝගී හෝටලයයි. කාමර 113කින් සමන්විත මෙය අතිශය පෞද්ගලික සහ උසස් මට්ටමේ අත්දැකීමක් ලබා දෙමින් ශ්රී ලාංකේය සුඛෝපභෝගී නවාතැන් කලාවේ නව සන්ධිස්ථානයක් සනිටුහන් කරනවා. මීට අමතරව, නවීන ජීවන රටාව අගයන්නන් වෙනුවෙන් නිර්මාණය වූ කාමර සහ සුඛෝපභෝගී suites 687කින් සමන්විත Cinnamon Life ද මෙම සංකීර්ණයට ඇතුළත්.
මෙම සංකීර්ණයේ විශේෂාංග අතර වර්ග අඩි 180,000ක විනෝදාස්වාද කලාපයක්, VIP කලාපයක්, සජීවී අත්දැකීම් සහිත පහසුකම් මෙන්ම ලොව ප්රමුඛ සන්නාම රැසක් සහිත The Shoppes සාප්පු සංකීර්ණය සහ Kurundu Spa ද වනවා. ජාත්යන්තර මට්ටමේ සම්මන්ත්රණ, මහා පරිමාණ උත්සව සහ ව්යාපාරික කටයුතු සඳහා අවශ්ය සියලුම නවීන තාක්ෂණික පහසුකම් මෙහි පවතින අතර, එය කොළඹ නගරය ජාත්යන්තර ව්යාපාරික කේන්ද්රස්ථානයක් ලෙස තවදුරටත් ශක්තිමත් කිරීමට සමත් වී තිබෙනවා.
