කැනඩාවේ ප්රමුඛ පෙළේ කෘත්රිම බුද්ධි (AI) සමාගමක් වන Cohere සහ ජර්මනියේ Aleph Alpha සමාගම එකිනෙකා හා ඒකාබද්ධ වීමට තීරණය කර ඇති බව ජර්මානු පුවත්පතක් වන Handelsblatt වාර්තා කරයි. මෙම ඒකාබද්ධ වීම හරහා නිර්මාණය වන නව සමාගම, ව්යාපාර සහ රාජ්ය අංශයේ සේවාවන් සඳහා ඇමරිකානු තාක්ෂණික සමාගම්වලට විකල්පයක් ලෙස කටයුතු කිරීමට සැලසුම් කර ඇති බව සඳහන් වේ. විශේෂයෙන්ම ඩිජිටල් පොදු සේවාවන් සැපයීමේදී යුරෝපීය සහ කැනේඩියානු තාක්ෂණික ස්වෛරීභාවය ආරක්ෂා කර ගැනීම මෙහි ප්රධාන අරමුණකි.
මෙම ඓතිහාසික ගනුදෙනුව පිළිබඳ නිල ප්රකාශය බර්ලින් නුවරදී අද (24) පෙරවරුවේ සිදු කිරීමට නියමිත අතර, ඒ සඳහා ජර්මනියේ ඩිජිටල් කටයුතු පිළිබඳ අමාත්යවරයා සහ කැනේඩියානු අමාත්යවරයා ද සහභාගී වනු ඇත. කෘත්රිම බුද්ධි ක්ෂේත්රය තුළ ගෝලීය වශයෙන් සිදුවන මෙම දැවැන්ත වෙනස, ඉදිරි කාලසීමාව තුළ මෘදුකාංග සහ තාක්ෂණික සේවාවන්හි නව ප්රවණතා ඇති කිරීමට සමත් වනු ඇති බව විශ්ලේෂකයෝ පෙන්වා දෙති.
