ලොව ප්රමුඛතම ක්රිප්ටෝ මුදල් හුවමාරු මධ්යස්ථානයක් වන Coinbase, තම ආයතනික කටයුතු වඩාත් කාර්යක්ෂම කිරීම සඳහා “AI-native” ආකෘතියකට අවතීර්ණ වෙමින් සිටී. මෙහි විශේෂත්වයක් වන්නේ සමාගමේ හිටපු ප්රධාන විධායකයින්ගේ චින්තන රටාවට අනුකූලව සැකසූ AI නියෝජිතයින් දෙදෙනෙකු දැනටමත් සේවයට එක්කර තිබීමයි.
සමාගමේ ප්රධාන විධායක නිලධාරී බ්රයන් ආම්ස්ට්රෝං (Brian Armstrong) පවසන පරිදි, දැනටමත් “Fred” සහ “Balaji” ලෙස නම් කළ AI නියෝජිතයින් දෙදෙනෙකු ක්රියාත්මක වේ. සහකරු Fred Ehrsam මත පදනම් වූ “Fred” නියෝජිතයා මූලෝපායික තීරණ සහ ප්රමුඛතා සැකසීමට සහාය වන අතර, හිටපු ප්රධාන තාක්ෂණික නිලධාරී Balaji Srinivasan මත පදනම් වූ “Balaji” නියෝජිතයා නවෝත්පාදන සහ නිර්මාණාත්මක අභියෝග ඉදිරිපත් කිරීම සඳහා යොදා ගැනේ.
ආයතනයේ කේත රචනයෙන් (Coding) අඩකට වඩා වැඩි ප්රමාණයක් AI මගින් සිදු කිරීම Coinbase හි මීළඟ ඉලක්කයයි. එසේම, “x402” නමැති නව ප්රොටෝකෝලය හරහා AI නියෝජිතයින්ට ස්වාධීනව ක්රිප්ටෝ සහ සාමාන්ය මුදල් ගනුදෙනු මෙන්ම ගෙවීම් සිදු කළ හැකි පරිසරයක් නිර්මාණය කිරීමට ද පියවර ගනිමින් සිටී.
අනාගතයේදී මිනිස් සේවකයින්ට වඩා වැඩි AI නියෝජිතයින් පිරිසක් ආයතනය තුළ සිටිනු ඇති බවට බ්රයන් ආම්ස්ට්රෝං අනාවැකි පළ කරයි. Coinbase හි මෙම පියවර සරල මෙවලමකට වඩා ඔබ්බට ගොස් AI තාක්ෂණය ආයතනික සංස්කෘතියේ සහ මූල්ය ගනුදෙනුවල ප්රධාන කොටසක් බවට පත් කිරීමේ උත්සාහයකි.
