ශ්රී ලංකා අපනයන සංවර්ධන මණ්ඩලය (EDB), කර්මාන්ත හා ව්යවසායකත්ව සංවර්ධන අමාත්යාංශය සමඟ එක්ව සංවිධානය කරන “ශ්රී ලංකා එක්ස්පෝ 2027″ (Sri Lanka Expo 2027) ජාත්යන්තර වෙළඳ ප්රදර්ශනය සඳහා අපනයනකරුවන්ට ප්රදර්ශකයන් ලෙස ලියාපදිංචි වීමට ලබා දී තිබූ කාලය 2026 ජූලි 31 දක්වා දීර්ඝ කර ඇත. 2027 ජනවාරි 14 සිට 17 දක්වා කොළඹ BMICH හිදී පැවැත්වීමට නියමිත මෙම ප්රදර්ශනය, ශ්රී ලංකාවේ අපනයන විභවය විදහා දැක්වීමට සහ ගෝලීය වෙළඳ හවුල්කාරිත්වයන් ශක්තිමත් කිරීමට අරමුණු කරයි.
මෙම ප්රදර්ශනයට සහභාගී වන දේශීය අපනයනකරුවන්ට ගෝලීය ගැනුම්කරුවන් සහ ආයෝජකයින් 1,500 කට අධික සංඛ්යාවක් හමුවීමට මෙන්ම, විභව ගැනුම්කරුවන් සමඟ පෙර සැලසුම් කළ ව්යාපාරික හමුවීම්වල නිරත වීමට ද අවස්ථාව සැලසේ. මෙහිදී ක්ෂේත්ර 25ක් ආවරණය වන පරිදි ප්රදර්ශන කුටි 650ක් වෙන් කර ඇති අතර, ඒ සඳහා කාර්මික නිෂ්පාදන, කෘෂි කාර්මික නිෂ්පාදන සහ අපනයන සේවා අංශවලට අයත් සමාගම්වලට අයදුම් කළ හැකිය. ප්රදර්ශන කුටි සංඛ්යාව සීමිත බැවින් සුදුසුකම් ලත් ප්රදර්ශකයන් තෝරා ගැනීමේ ක්රියාවලියක් (screening process) සිදු කෙරේ.
වැඩිදුර තොරතුරු සහ ලියාපදිංචිය සඳහා පහත නිලධාරීන් සම්බන්ධ කර ගත හැක:
කාර්මික නිෂ්පාදන සඳහා ඉන්දික සුගතදාස (0718246762 | [email protected])
කෘෂිකාර්මික නිෂ්පාදන සඳහා ජයනී ගලගෙදර (0710391184 | [email protected])
සේවා අංශය සඳහා ඩිෂාන්ට් යාපා (0772953717 | [email protected])
